• Reply to: Estudante nain-31 husi Finantil tuir formasaun Edukasaun Sivika ho komitmentu no neon badinas durante loron ha’at.

    Hafoin remata formasaun Edukasaun Sivika iha Escola Secundaria Finantil, Prezidenti Exekutivu APFTL, Zaulino Gomes da Silva apresia tebes ho komprissiu ne’ebé hatudu husi estudante eskola refere, no nia hateten katak foin maka primeira vez APFTL fasilita formasaun ne’ebé partisipante sira hotu ho komitmentu partisipa to formasaun remata.

    “Ha’u rona mensagem husi kolega formador sira katak imi nain-31 partisipa kompleta formasaun, ne’e historia ida ne’ebé foin ami APFTL registu” Dehan Zaulino Gomes da Silva iha enseramentu formasaun.

    Prezidente Exekutivu APFTL mos agradese ba Autoridade Eskola Finantil nian tanba fo ona disponibilidade hodi APFTL bele realiza formasaun ne’e iha sira nia eskola, no husu mos ba partisipante sira para depois tuir ona formasaun ne’e bele implementa iha sira nia moris lor-loron no mos para fahe tutan informasaun sira ne’e ba sira nia kolega hotu.

    Husi reprezentante Autoridade Eskola mos agradese ba ekipa APFTL tanba realiza ona formasaun Edukasaun Sivika iha sira nia eskola, no admira ho formador sira nia maneira durante formasaun tanba atrai tebes partisipante sira hodi badinas liu tan partisipa formasaun ne'e to'o remata. Reprezentante Autoridade Eskola hateten mos katak Finantil sempre partisipa iha atividade sira ne’ebé APFTL realiza no sei nafatin partisipa karik hetan informasaun husi APFTL.

    Iha enseramentu formasaun, Pedro da Costa (idade 18) hanesan partisipante formasaun ne’e expresa nia sentimentu, dehan “Senti kontenti teb-tebes, ami senti hanesan simu buat foun mai ami, ami nia experiensia bele klean liu tan, no mos ami la espera katak ami bele tuir formasaun ne’e”

    Pedro mos hateten nia sei koko oituan-oituan atu pratika saida maka nia hetan ona husi formasaun Edukasaun Sivika ne'e, no mos sei fahe informasaun ne'ebe nia hetan ona ba nia kolega sira seluk.

    Formasaun Edukasaun Sivika ne’e fasilita husi Alumni Parlamentu Foinsa’e Timor-Leste, ne’ebé hetan suporta husi Agensia Alemaña GIZ, no partisipa husi estudante Escola Secundaria Geral Finantil hamutuk nain-31, hahu husi dia 9 – 12 Setembru 2019. No tuir planu katak, sei realiza mos formasaun Edukasaun Sivika iha Escola Secundaria 10 de Desembro Comoro, komesa 23 - 25 Setembru 2019.

    best cbd oil 2019 casino real money cbd stocks best online casinos

    APFTL
  • Reply to: APFTL hamutuk ho organizasaun juventude realiza Festival Youth Democracy

    Objetivu husi atividade ida ne’e mak oinsá diverte foinsa’e sira no fó korajen ba sira hodi partisipa iha eleisaun parlamentar antesipada 2018 ho dame liu husi mensajen fó sai liu husi múzika, teatru, poezi no seluk tan.

    Wainhira media APFTL nian dadalia ho juventude balun husi Gembel Art Collective, JAR, liu via mensajen whatsapp nia hatete programa ida ne’e involve grupu juventude oi-oin halo juventude sira koñese malu di’ak liu tán no pasensia hodi realiza programa ne’e tamba ho voluntariamente.

    “Ita nia servisu hamutuk halo ha’u aprende oinsá servisu ho tempu, dixiplina, pasensia hodi realiza programa ne’e tamba ita nia servisu ne’e ho voluntariu,” dehan JAR ba hakerek nain.

    Iha programa FYD kompostu husi atividade oi-oin mak hanesan, kompetisaun múzika, kompetisaun pintura no kompetisaun jornal parede. Alende ida ne’e has mós animasaun oi-oin husi grupu foinsa’e nian.

    Kompetisaun múzika manan husi grupu banda K-KAUT. Kompetisaun pintura manan husi Zeferino no kompetisaun jornál parede manan husi eskola sekundaria Sta. Madalena de Cannosa, CRISTAL no eskola sekundaria 4 de Setembro.

    Iha sorin seluk, wainhira hakerek nain dadalia ho  vocalista grupu banda Trisha and Friend, Trisha dehan nia senti kontenti tamba bele haree joven sira espresa sira nia talentu ho livre no fó korajen ba joven maluk sira hodi vota ho honestu no konsiensia. Buat ne’ebé mak nia aprende husi programa ne’e mak hanorin nia sai joven ne’ebé kria dame, paz, unidade liu husi atividade saida de’it.

    Ikus liu Alumni Parlamentu Foinsa’e Timor-Leste hakarak hato’o agradese wa’in ba hotu-hotu nia kontribuisaun hodi realiza no susesa atividade refere.#[Maria do Ceu/APFTL/28.04.2018].

    APFTL
  • Reply to: Saudozu Prof. Dr. Lucas da Costa “Lahe-Mau / Rama-Metan”; Labele halo-an bo’ot iha problema ki’ik ida nia laran

    Professor Lucas da Costa, Aliás Lahe-Mau ou Rama-Metan, moris iha Atsabe 11 Janeiru 1952, hakotu i’is iha Dili 5 Setembru 2019. Professor Lucas koñesidu hanesan salah satu fundador RENETIL, Fundador Universidade de Dili no Universidade da Paz. Iha tinan 1998, Professor Lucas hanesan membru komisaun polítika Conselho Nacional da Resistencia Timorense. Husi 2007 to’o 2019, Professor Lucas nu’udar deputadu iha Parlamentu Nasional iha Komisaun C asuntu Ekonomia, Finansa no Anti-Korupsaun. Professor Lucas dedika nia-an tomak nu’udar aman no reitor UNPAZ to’o nia i’is ikus iha mundu ne’e.

    Relembra momentu ida Prof. Dr. Lucas da Costa sai orador iha seminariu ba selebrasaun Loron Nasional Juventude no Massacre Santa Cruz, 12 Novembru 2018, ne’ebé organiza husi APFTL, iha nia palestra ho topiku ‘Prezensa mega projetu hodi harahun dezempregu iha Timor-Leste’, nia liafuan mesak animada no ho maneira divertida halo juventude sira ne’ebé partisipa iha seminariu senti haksolok no gosta tebes hodi rona nia liafuan. Nu’udar peritu iha area ekonomia, Professor Lucas esplika nia topiku iha seminariu no mos esplika situasaun ekonomia Timor-Leste ho maneira ne’ebé badak, simples no klaru, hodi halo Juventude sira mos bele entende ho diak. Professor Lucas mos momentu ne’ebá dezafia juventude sira hodi dezenvolve sira nia-an hodi fo mos kontribuisaun ba dezenvolvimentu Nasional.

    “Joven sira labele halo-an bo’ot iha Problema ki’ik ida nia Laran” dehan Rama-Metan iha nia palestra iha Salaun Ministeiru Finansa.

    Liafuan ne’e refleta duni Ita juventude agora, halo-an superior no sok tau, dalabarak ita joven gaba-an matenek los ona. Professor Lucas mos dehan para labele fiar ema ne’ebé halo-an matenek, no foinsa’e sira labele halo-an matenek liu maibé mos labele pesimista liu ho ita nia kapasidade, 'Labele foti-an liu no labele haraik-an liu'. Nia mos husu para joven sira tenke lakon tempu ba vizaun ida para dezenvolve-an, Professor Lucas mos hateten katak ema sira ne'ebe hatene jere oras-24 iha loron ida nia laran, nia maka hatene dalan ba suksesu, tanba ema suksesu ne'e laos tanba ema ne'e riku ka matenek, maibe ema suksesu ne'e tanba hatene jere tempu ho diak.

    Professor Lucas da Costa nu'udar Manorin ida ne’ebé hatene oinsa estimula nia estudante sira para iha hanoin hodi dezenvolve rai doben Timor-Leste, Professor Lucas dedika nia-an tomak ba foinsa’e sira no edukasaun to’o nia i’s ikus iha mundu ne’e.

    Adeus Professor Rama-Metan, ami hotu-hotu senti lakon Manorin di’ak ida, ami la fiar katak Ita nia história to’o ona nia rohan, deskansa ho hakmatek ba!

    charlottes web cbd hemp oil

    APFTL
  • Reply to: Foinsa’e Husi Munisipiu Partisipa Iha “Youth Parliament Watch”

    Iha entrevista ho Prezidente Ezekutivu APFTL, Zaulino Gomes da Silva hateten objetivu husi workshop no semináriu ne’e atu bele lori foinsa’e sira hatene kona-ba funsionamentu Parlamentu Nasionál.

    “Objetivu prinsipál husi atividade ne’e, husi faze primeiru to’o mai ohin, intensaun prinsipál oinsá foinsa’e sira hatene kona-ba funsionamentu Parlamentu Nasionál ninian, liu-liu Deputadu sira-nia funsaun. Saida mak Deputadu sira ida-idak atu halo durante sira nia mandatu ba periodu tinan lima nia laran, lejislatura ida nia laran. Liu-liu ba iha asuntu ba halo Lei, halo fiskalizasaun inkluindu mós ba halo desizaun polítika, ida ne’e mak importante liu iha prosesu semináriu nia laran,” informa Zaulino Gomes.

    Eis membru Parlamentu Foinsa’e Nian (PFN) husi Munisipiu Viqueque ne’e mós realsa katak “Alumni Parlamentu Foinsa’e Timor-Leste sei hakerek relatóriu ida kona-ba atividade sira ne’e hotu, relatóriu ida ne’e ita sei buka dalan oinsá para bele hahuu kordena ho Parlamentu Nasionál liu-liu Bancada sira atu introdus intensaun ba kontinuasaun husi ida ne’e ba oin ne’e oinsá. Depois halo servisu ligasaun ida ‘networking’ ho Bancada sira iha Parlamentu Nasionál atu liga oinsá atu lori Deputadu no Bancada sira iha Parlamentu ne’e besik ba povu liu-liu iha feze ida kontaktu eleitorál ninian ne’ebé mak Deputadu sira ou Bancada sira atu halo iha fim de semana sexta feira ou loron Sabádo sira.”

     

    Iha faze dahuluk to’o iha faze datoluk hetan prezensa husi Eis Deputadu nomós membru Asembleia Konstituinte Dr. Manuel Tilman, Eis Deputada Dra. Fernanda Borges no Eis Deputada Sra. Lurdes Bessa hodi halo aprezentasaun kona-ba ‘Papel Membru Parlamentu Nasionál’, Sekretariadu Parlamentu Nasionál (faze dahuluk) ko'alia kona-ba Funsionamentu Parlamentu Nasionál no fasilitador husi International Foundation for electoral System (IFES) no International Republican Institute (IRI) hodi fasilita workshop kona-ba Tools Monitoring 

     

    Infelizmente iha Semináriu no Worshop ba daikus programa ‘Youth Parliament Watch’ ne’ebé hala’o iha salaun enkontru Igreja Evangelica, Caicoli Dili, 17 Agustu 2018 ne’e la marka prezensa husi deputadu/a, Sekretariadu Parlamentu Nasionál nomós fasilitador sira tanba sira laiha posibilidade hodi partisipa iha semináriu no workshop refere ne’eduni APFTL mak responsabiliza direta maibé hetan apoiu materia direta husi sira.

     

    Hafoin semináriu no workshop faze daikus nian. Foinsa’e Clemensia husi Munisipiu Ainaro ne’ebé mak partisipa iha semináriu no workshop ne’e hateten kontenti tebes tanba bele hetan informasaun kona-ba Parlamentu Nasionál nia kna’ar no ida ne’e vantajen tebes ba nia.

     

    Iha sorin seluk Emanuel nu’udar estudante husi Munisipiu Covalima hateten materia ne’ebé nia aprende ba ohin loron ne’e foun ba nia.

    “Ha’u senti kontenti tanba materia ne’e ha’u senti foun ba ha’u. Husi atividade ne’e ha’u bele komprende Deputadu nia funsaun. Foin mak komprende liu Deputadu nia kna’ar mak Deputadu nia atu interese ba povu, povu nia nesesidade, ba povu nia halerik,” dehan Emanuel iha edifisiu Igreja Evangelica, Caicoli Dili.

    Programa ‘Youth Parliament Watch’ ne’ebé mak hala’o ona durante dala haat, hetan patisipasaun husi foinsa’e sira husi munisipiu 12 no RAEOA, kompostu husi PFN, APFTL, Estudante ne’ebé tuir ona Festival Youth Democracy nomós Centru Juventude.

     

    Proragama ida ne’e realiza tanba hetan fundus husi International Foundation for Electoral System (IFES) no apoiu tekniku husi International Republican Institute (IRI). #Mídia APFTL.#

    APFTL