Alumni Parlamentu Foinsa’e Timor Leste (APFTL) servisu hamutuk ho German Cooperation in Timor-Leste (GIZ) ba programa “ Workshop Partisipasaun Juventude iha Desentalizasaun (Youth Forum For Change) “realiza iha Postu Administrativu Baucau Villa, Munisipiu Baucau. Partisipante hamutuk nain-49 kompostu feto nain-24 no mane nain-25. Atividade ne’e hala’o iha Salaun Edukasaun Munisipiu Baucau, loron tersa- feira 17-08-2022.

Objetivu husi atividade ne’e maka Joven sira bele iha oportunidade hodi expressa sira nia konñesimentu no ideia relasiona ho dezafiu no oportunidade ne’ebé enfrenta.

Iha abertura partisipa husi reprezentante Prezidente Autoridade Munisipiu, señor Asesor Administrasaun Munisipiu, iha nia entrevensaun relata katak, louva tebes ho APFTL nia inisiativa ne’ebé kria espasaun ba joven sira hodi diskute no produs ideia ruma kona-ba dezafiu no oportunidade ne’ebé joven sira enfrenta iha Munisipiu Baucau. Nune’e husu ba joven sira hodi aproveita espasu ne’e ho diak hodi produs rezultadu ruma bazeia ba situasaun real ne’ebé joven sira enfrenta.

Lalaok atividade iha parte dader; hahú ho breves palavras husi APFTL no reprezentante Prezidente autoridade hodi halo abertura ba atividade. Hafoin ne’e, aprezentasaun orador nain tolu kontinua kedas ho sesaun husu no hatan.Parte lokraik, fasilita husi APFTL hodi halo diskusaun grupu, aprezentasaun no ikus liu enseramenu ativividade.

Atividade ne’e hetan apoiu hosi German Cooperation in Timor-Leste (GIZ) no implementa hosi APFTL.

#JovenAtivuSaudavelProdutivuKompetitivuOrgulluNuudarTimorOan