Atividade atual APFTL iha Trimestral dahuluk 2020.

Deklarasaun Foto : Formasaun LSBE ba UNE-TL, organiza husi APFTL.


Alumni Parlamentu Foinsa’e Timor-Leste iha inisiu fulan Marsu, organiza atividade lubuk ida haktuir Planu Asaun Anual 2020.

Atividade sira ne’ebé akontese iha fulan Marsu maka hanesan; Formasaun Jestaun Organizadora no Kursu Lian Ingles ba Membru APFTL, Formasaun LSBE ne’ebé integradu iha programa Kursu Siviku no Saudavel 2020 ba Membru UNE-TL, apoiu IRI nia programa “Rona Povu nia Lian” iha Railaco no atividade social sira.

Alende ne’e, kompania Xtrabox ne’ebé fornese servisu iha area Teknologia Informatika, hola parte mos nu’udar partisipante formasaun Jestaun Organizasaun hamutuk ho membru APFTL sira, no kompania Xtrabox agora daudaun dezenvolve hela database membru APFTL nian hamutuk iha si-apftl.org no sei lansa sistema informasaun APFTL nian ne’e iha tempu badak nia laran.

Iha atividade sosial sira, APFTL halo asaun solidariu hodi ajuda hamo’os fatin históriku Ex-Prizaun Balide, agora sede Centro Nacional Chega! I.P, hafoin inundasaun ne’ebé kauza husi udan bo’ot iha Sabado, 14 Marsu 2020.

Iha Primeira trimestral 2020, APFTL konsege halo ona atividade lubuk ida ne’ebé mensiona ona iha leten, no mos atividade sira hanesan Workshop husi Oxfam nia programa Agriculture assestment & Diversifikasaun Ekonomiku, IRI nia programa Rona Povu nia Lian iha Maubara, finaliza Kursu Siviku no Saudavel periodu dahuluk, renova hosting no domain ba APFTL nia website, no produz video success story husi grupu kreativu kompetisaun 3R no partisipante formasaun ne’ebe integra iha programa Festival Youth Democracy 2019.

Projeitu peskiza kona-ba Situasaun trabalhador infantil ne’ebé hola parte iha Planu Asaun Anual 2020, sei iha hela prosesu diskusaun nia laran. Iha projeitu peskiza seluk maka levantamentu informasaun kona-ba Adolosente no Joven sira nia karakteristika no atetude uza Internet, ne’ebe APFTL servisu hamutuk ho ekipa tolu seluk no sei realiza iha fulan Marsu ne’e nia laran.

Hakerek Komentariu Iha Account Facebook

0 Komentariu

HAKEREK KOMENTARIU

Fatin Email

Prezidente Exekutivu APFTL

Prezidente Exekutivu APFTL
Zaulino Gomes da Silva

DATABASE APFTL

DATA BASE APFTL

Opiniaun Publiku

Tuir Ita Boot Sira Nia Hanoin Idade Joven Tama Iha Kategoria Hira .........???
  Idade Husi 18-20
  Idade Husi 10-20
   Idade Husi 00-19
   Idade Husi 0-18