Loron  21 Fulan Dezembru tinan-2022, Parlamentu Foinsa’e Nian konsentra iha Salaun Santa Úrsula Baucau hodi realiza plenária. Iha plenária ne’e, Sekretaria Estadu Juventude no Desportu (SEJD), reprezenta husi Diretur Jeral SEJD mak halo abertura ofisial ba sesaun plenária refere.

Objetivu hosi Plenária ne’e hodi debate no aprova dadus sira ne’ebé M-PFN rekolla ona iha ida-idak nia Postu Administrativu no problema prinsipal sira ne’ebé identifikadu no elabora ona iha enkontru Bankda no enkontru komisaun nian.

Iha intrevensaun, Presidente APFTL Zaulino Gomes da Silva, relata katak, Alumni Parlamentu Foinsa’e Timor Leste hanesan assosiasaun ne’ebé independente no apartidariu, iha ne’ebe hanesan mos produtu/resultadu hosi  programa Parlamentu Foinsa’e rasik, tinan-tinan hetan konfiansa nafatin hosi Sekretariu Estadu Juventude no Desportu hodi kontinua implementa no organiza programa Parlamentu Foinsa’e nian.

“ Lider APFTL ne’e akresenta mós katak, Parlamentu Foinsa’e hanesan espasu ba foinsa’e sira hodi aprende no pratika lideransa kualidade, pratika diferensa ne’ebe haree malu hanesan Timor oan, oinsa bele projeta nia an no hateke ba dook liu tan hodi hala’o ninia responsabilidade, oinsa sai futuru kuadru lider ne’ebe bele asume iha kargu politika iha futuru no bele kontribui ba hakmatek, paz no estabilidade iha ita nia rain”.

Nia Hatutan, antes to’o iha plenariu ohin loron nian, M-PFN sira halo ona enkontru bankada no komisaun ne’ebe apresenta ona issue/problema sira husi ida-idak nia postu administrativu durante loron rua, iha enkontru ne’e foka liu ba tematiku lima (5) mak hanesan  1). joven ho edukasaun, 2). joven ho moris saudavel, 3). Joven ho partisipasaun siviku, 4). joven ho empregu no empregabilidade no 5). Joven ho krime no violensia. Rezultadu dadus elaborasaun nu’udar resolusaun komisaun nian, hodi aprezenta no defende iha Plenária hodi aprova, nune’e bele submete ba Governu ka parte relevante sira.

Iha fatin hanesan, Diretor Jeral David de Deus hateten Rezolusaun Governu Nú. 23/2009 ho Primeiru Alterasaun Rezolusaun Governu No. 47/2017 ne’ebe hanesan dalan ba estabelesimentu Parlamentu Foinsa’e Nian, iha ne’ebé nu’udar espasu aprendijajem ba foinsa’e sira ho objetivu atu promove no dezenvolve jovens ninia sensibilidade ba asuntu sosiál, kultural, ekonómika no polítika liu husi formasaun sidadania, prátika demokrasia, identifika problema no solusiona problema sira ne’ebe foinsa’e no komunidade sira enfrenta iha territóriu nasionál no sei debate kona-ba issue/tematiku sira ne’ebe hatur iha Politika Nasional Juventude hanesan Joven ho Edukasaun, saude, Partisipasaun Sivika, Krime no Violensia, Empregu no Empregailidade

“Reprezentante SEJD ne’e, akresenta katak, Parlamentu Foinsa’e Nian debate bazeia ba tematiku lima mak hatúr  iha politika nasional juventude, tuir faktu no evidiensia sira ne’ebe mak kolleta iha Aldeia, Suku, Postu no Munisipiu, nune’e wainhira dadus ne’e passa bele rekomenda parte relevante sira hodi fo solusaun tuir problema ne’ebe joven sira hasoru”.

 Diretur Jeral ne’e informa, tinan oin sei rekruta Membru Parlamentu Foinsa’e Nian foun ba periodu dalimak 2023-2025 hodi kontinua fo espasu ba foinsa’e sira mai aprende no desenvolve sira kunhesimentu no kapasidade ba futuru, tanba parlamentu foinsa’e anterior sira hatudu resultadu no mudansa

Total membru Parlamentu Foinsa’e hamutuk nain-132, dadaun partisipa iha Plenaria daruak periodu 2019-2022 ne’e mai husi Munisipiu sanulu resin rua inklui RAEOA hamutuk ualunulu resin sia (89) kompostu feto feto nain-

 Atividade Plenaria ne’e, hetan partisipasaun másimu hosi konvidadu sira hanesan; Diretor Jeral Sekretariu Estadu Juventude no Desportu  ho nia komitiva, representante Presidente Autoriedade Munisipiu Baucau, Adjuntu komandante PNTL Munisipiu Baucau, Veteranus Munisipiu Baucau, Eskuteirus Baucau, Kruz Vermelha Baucau, Fundasaun Uma Paz Baucau.

Atividade ne’e realiza tamba hetan apoiu hosi Governu atravez SEJD no implementa hosi APFTL

#JovenAtivuSaudavelProdutivuKompetitivuOrgulluNuudarTimorOan