Prezidente Korpu Exekutivu APFTL, Irmaun Zaulino Gomes da Silva, ho estrutura Korpu Exekutivu tomak.

Prezidente Korpu Fiskal APFTL, Irmaun Justino Jeronimo Soares, ho estrutura Korpu Fiskal tomak.

Estrutura Korpu Reuniaun Jeral.

Kolega membru APFTL tomak, ne'ebe iha rai-laran no mos diaspora.

Ha'u nia kumprimenta no domin bo'ot ba Ita hotu.

PROFUNDA AMIZADE NO ESPERANSA KOLETIVA HALO TINAN 5 APFTL NIA EZISTENSIA SENTI HANESAN LALAIS DEIT.

Normalmente sinal natural iha moris hatudu katak wainhira ita halo buat ne’ebé ita gosta, iha paixão no hadomi tebes, ita sei senti hanesan tempu ne’e lao lalais tebes, tanba hakarak ida-diak ne’e permanese. Kondisaun ne’e motiva hau atu sukat mos ba paixão iha APFTL, tanba tinan 5 tempu ida ne’ebé naruk, maibé ânimo no motivasaun amizade iha APFTL inspira kolega hotu atu hamutuk liu tan ba oin.

Husi atan hau nia experiénsia pessoal hanesan membru ida nian hau bele expressa katak APFTL hanesan forsa ida ba ita membru hotu, wainhira iha ita iha frakeza, APFTL sempre sai inspirasaun ba mudansa no transformasaun positivu, tanba ita otas nurak no barak liu iha hela vida estudantil, ne’ebé tuir rasionalizasaun no padraun normal, difisil ba ita atu eziste ho diak no bele atinji buat lubuk ida iha tinan lima nia laran, maibé ho vontade, kompromisso no determinsaun ás ita konsege ona.

Rekonese frankamente katak ita sei hasoru desáfio barak tebes, maibé ho ita nia prova amizade mak hatudu ona, ita iha iha esperansa katak ho Na’i Maromak nia Grasa no ita nia esforsu ita sei metin nafatin no sai diak liu tan iha tinan sira tuir mai.

Hakuak bót ho domin ba kolega APFTL hotu ne’ebé namkari iha fatin hotu!

Com os melhores cumprimentos,

Lizerio Dias

Prezidente Korpu Reuniaun APFTL