Iha ambitu Selebra Loron Internasional Juventude, Foinsae sira kuda Mangrove ou Ai Parapa (Tet; Ai Parapa) iha Tasi Ibun Metinaro no limpeza iha Area Ponte no Jardim BJ Habibie Bidau, intensaun husi atividade ne'e maka promove envolvimentu foinsa'e sira iha asaun hadia klima global.

Tema Selebrasaun International Youth Day tinan 2020 maka "Youth Engagement for Global Action" ou iha Lian Tetun "Envolvimentu Foinsa'e ba Asaun Global", Alumni Parlamentu Foinsa'e Timor-Leste [APFTL] rasik hetan fiar husi Sekretaria Estadu ba Juventude no Desportu hodi sai komisaun organizadora ba Selebrasaun ne'e, 

Atividade ne'e akontese iha dia 7 Agustu 2020, no hetan apoiu Maskara no Be'e Mineral husi UNFPA , husi Ministeiru Agrikultura no Peska fo Mangrove oan hodi kuda iha Tasi Ibun Metinaro, hetan partisipasaun husi Grupu Foinsa'e Starfish, Estudante Departamento Pescas e Marinhas - FAGRI UNTL, membru APFTL no foinsa'e seluk tan. 

Atividade seluk ba selebrasaun ne'e maka Doasaun Ran iha dia 10 Agustu 2020 fatin Resintu SEJD, Seminariu no Kolokiu Foinsa'e ne'ebe sei akontese iha dia 11 Agustu 2020 iha Salaun Katedral Dili, no Marsa Saudavel husi Jardim Juventude 12 Novembru Motael ba Resintu SEJD Lecidere.