Xtrabox finaliza ona manutensaun ba website APFTL

Deklarasaun Foto : Screenshot home website apftl.org


Website Alumni Parlamentu Foinsa'e Timor-Leste [ apftl.org ] ativa ona nia hosting no domain foun no permite fasil no kaman liu ona para bele asesu maske ho kondisaun internet iha Timor-Leste ne'ebe la favoravel, hafoin manutensaun no renova nia layout husi web developer Xtrabox. Antes ne'e website APFTL loading todan liu kompara ho agora.

"Website ho domain foun agora ne'e ita halo kaman liu tan, para bele fasil liu ita asesu" Dehan Ason Santos husi Xtrabox.

Xtrabox hadia home administrator halo simples liu tan para administrador website ne'ebe la'os ema IT bele hatene no administra ho diak. Website APFTL ne'e mos ligada ho Sistema Informasaun APFTL [SI-APFTL] hanesan database APFTL nian ne'ebe rezerva ka arkiva dadus programa no/ka atividade realizadu APFTL nian, informasaun membru APFTL sira nian, no mos dadus kona ba selesaun no eleisaun Parlamentu Foinsa'e Nian.

Ba oin publiku bele hatene kona ba informasaun kona ba Alumni Parlamentu Foinsa'e Timor-Leste liu husi website apftl.org no mos bele asesu dadus kona ba programa no/ka atividade realizadu APFTL no informasaun kona ba membru APFTL nian iha SI-APFTL, maibe SI-APFTL agora daudaun ne'e sei iha prosesu Dezenvolve hela husi kompania Nasional web developer, Xtrabox. Lda, no tuir planu sei finaliza SI-APFTL antes dia 7 Fevereiru 2020.

APFTL konsidera area Teknologia Informatika importante tebes mos iha prosesu dezenvolvimentu, tan ne'e APFTL servisu hamutuk ho Xtrabox hodi dezenvolve website no Sistema Informasaun APFTL nian, no iha planu para dezenvolve Sistema Administrasaun iha Lokal Kartoriu APFTL nian hodi nune'e fasilita liu tan prosesu administrasaun iha Internal APFTL. Alende ne'e, APFTL mos servisu hamutuk ho Kompania CMS. Lda iha 2019 hodi dezenvolve Sistema Finanseiru APFTL nian ho software ida naran SANGO Professional, sistema finanseiru ne'e fasilita tebes no kontribui ba Performance servisu Finansa APFTL nian.

Relasaun entre organizasaun APFTL no Xtrabox mutua tebes, hanesan Xtrabox fasilita formasaun kona ba Sistema Operasaun Open Source [Linux no Ubuntu] ba membru APFTL sira no mos APFTL-Xtrabox fasilita sosializasaun Internet Saudavel iha Munisipiu 12 inkliu RAEOA, no tuir planu 2020, APFTL sei fasilita treinamentu Jestaun Organizasaun ba membru Xtrabox. Nota mos katak, Xtrabox oferese gratuitamente ba Manutensaun no renova layout website APFTL

Hakerek Komentariu Iha Account Facebook

0 Komentariu

HAKEREK KOMENTARIU

Fatin Email

Prezidente Exekutivu APFTL

Prezidente Exekutivu APFTL
Zaulino Gomes da Silva

DATABASE APFTL

DATA BASE APFTL

Opiniaun Publiku

Tuir Ita Boot Sira Nia Hanoin Idade Joven Tama Iha Kategoria Hira .........???
  Idade Husi 18-20
  Idade Husi 10-20
   Idade Husi 00-19
   Idade Husi 0-18