Parlamentu Foinsa e Realiza Enkontru Bankada Komisaun no Plenaria

Baucau,19/12/2022 : Membru Parlamentu Foinsa’e Nian (PFN) periodu daha’at 2019-2022 realiza enkontru Bankada iha Munisipiu Baucau, Objetivu husi enkontru bankada ida ne’e hodi elabora dadus husi kada munisipiu iha territóriu Nasionál, nune’e bele apresenta iha plenáriu daikus PFN periodu dahaat iha loron 21 no 22 fulan dezembru 2022

Iha abertura enkontru bankada  ne’e, partisipa hosi Diretor Jeral SEJD, David Tomas de Deus haktuitr “programa parlamentu foinsa’e nian nu’udar baze ba rezolusaun  governu iha nu. 23/2009 ho primeiru alterasaun nu. 47/2017 ba estabelesimentu Parlamentu Foinsa’e

“Programa ida ne’e ba daha’at  hahú hosi tinan 2019-2022, durante mandatu tinan tolu sira tuir ona formasaun sira maka hanesan: Edukasaun Sívika, Publick Speaking, LSBE, emprendedorismu sosial, jornalismu baziku, analiza social, debate publiku, gestaun organizasaun, orgaun soberania, anti korupsaun, lideransa báziku, meiu ambiente, debate públiku no estudu vizita”. Dehan Diretor Jeral SEJD, David Tomas de Deus ba Jornalista sira iha Baukau, 19/12/2022

Diretor ne’e akresenta, iha estudu vizita ne’e sira foti dadus kona-ba tematiku lima (5) ne’ebe ligadu ho politika nasional juventude nian hanesan Saúde, Edukasaun, Empregu no Empregabilidade, Partisipasaun Sívika, violensia no krime, nune’e liu hosi enkotru bankada ne’e parlamentu foinsa’e sira bele akumula dadus maka sira foti hodi apresenta iha Plenaria ne’ebe mai

“Membru Parlamentu Foinsa’e sira tenki sai solusaun ba Problema, labele sai deit nu’udar parte ida husi rekomendasaun, maibe tenki sai mos solusaun ba buat ne’ebe membru PFN bele liliu liga ba problema ne’ebe jovem sira hasoru inklui hatutan fali saida mak durante ne’e ita boot sira aprende husi Programa Parlamentu Foinsa’e nian”. Nia akresenta

Enkuantu, Enkontru Bankada ne’e realiza iha Postu Administrativu Baucau Vila, Munisipiu Baucau. Durante loron lima (5) hahú hosi loron 18- fulan-dezembru to’o loron 23-dezembru-2022 sei iha enkontru komisaun no plenaria, portantu partisipante iha enkontru hamutuk nain-87 kompostu feto nain-37 no mane nain-50.

Atividade ne’e organiza husi Alumni Parlamentu Foinsa’e Timor-Leste (APFTL) no hetan apoiu hosi SEJD.

Orsamentu ne’ebe aloka ba Parlamentu Foinsa’e periode dahaat durante tinan tolu hamutuk USD 468,735.90

#JovenAtivuSaudavelProdutivuKompetitivuOrgulluNuudarTimorOan

 

Hakerek Komentariu Iha Account Facebook

0 Komentariu

HAKEREK KOMENTARIU

Fatin Email