Festival Youth Democracy haleu municipio

Iha servisu hamutuk ida ne’e, APFTL kontinua halo programa mak hanesan ba munisipiu sia seluk ne’ebé kompostu husi Aileu, Ainaro, Covalima, Baucau, Bobonaro, Lautém, Manufahi, Oe-Cusse no Viqueque.

Prezidente Zaulino Gomes da Silva esplika kona-ba objetivu prinsipál husi programa ne’e mak kontribui ba hasa’e  partisipasaun foinsa’e nian iha eleisaun parlametar 2018.

 

“Objetivu prinsipál husi eventu ne’e mak kontribui ba promove partisipasaun foinsa’e nian iha eleisaun parlamentar antesipada 2018, inklui mós nafatin dezamina informasaun ba foinsa’e sira hodi kontribui ba hametin estabilidade, paz iha Timor-Leste,” dehan Prezidente APFTL, iha sede APFTL, Becora, 10/05/2018.

 

Tuir tarjetu partisipantes ba programa Festival Youth Democracy ne’ebé mak hala’o iha munisipiu ualu no rejiaun ida ne’e hamutuk 1,800, ne’ebé mak mai husi eskola sekundaria mak identifikadu  ne’ebé mak existe iha munisipiu no rejiaun refere. Infelizmente númeru partisipante la to’o hanesan ho númeru ne’ebé mak tarjetu, provabelmente iha ema 1,300.

 

Iha programa ne’e kompostu husi atividade oin-oin mak hanesan, workshop edukasaun votantes ba foinsa’e no edukasaun sívika ba foinsa’e, kompetisaun diskursu públiku ho tema Foisna’e ho Demokrásia, kuiz, talk show, animasaun, husi grupu múzika, grupu dansa ne’ebé lokaliza iha munisipiu no rejiaun nian.

 

Programa ne’e realiza tamba has servisu hamutuk entre APFTL munisipiu no rejiaun, Conselho Nacional Juventude Timor-Leste (CNJTL), Centro Juventude, Secretariado Tecnico Administração Eleitoral (STAE), Comição Nacional das Eleições (CNE) no parte hotu-hotu ne’ebé mak servisu hamutuk ona ho APFTL ho realiza programa refere. Programa refere hahuu realiza Municipio Ainaro, iha loron 02 Maiu 2018 no remata iha Municipio Bobonaro, horseik 09 Maiu 2018.

 

Hakerek Komentariu Iha Account Facebook

0 Komentariu

HAKEREK KOMENTARIU

Fatin Email