“ASSEMBLEIA REUNIAUN JERÁL ANUÁL APFTL BA DALA III: Ho objetivu Apresia Relatóriu Anuál 2017 no Debate, diskute no Aprovasaun ba Planu Asaun Anuál (PAA) APFTL 2018.”

Tuir Aprezentasaun prezidente APFTL hato’o katak, Iha tinan 2017, APFTL konsege hetan fundus husi parseiru nasionál no internasionál ho montante aprovadu mak $252,749.75, husi montante aprovadu, APFTL konsege ezekuta osan ho montante $ 205,619.00. Husi gastus ne’ebé mak iha, APFTL konsege halo poupansa hodi hamosu balansu ho montante $47,130.75 no osan ne’e fó fila ona ba kaixa estadu no ba parseiru ne’ebé mak APFTL serbisu hamutuk exeptu fundus husi parseira IFES nian ho montante 414.25 mak la entrega hikas ba fali no konsidera hanesan cash APFTL. Ho montante orsamentu ne’ebé mak iha, uza ba programa asaun anuál (PAA) 2017 nian.

Depende ajenda ne’ebe iha, hafoin aprezentasaun, debate no votus apresiasaun ba relatóriu anuál 2017. Asembeleia sei kontinua ho Debate, diskusaun no aprovasaun ba Planu Asaun Anual 2018. Hodi sai hanesan matadalan ba Korpu Ezekutivu hala’o knar tuir vizaun no misaun organizasaun nian.

Asembleia ne’e hetan partisipasaun husi Sekretariu Estadu Juventude no Traballu (SEJT), Nívio Magalhães, Diretor Nasionál Juventude SEJT, David Tomas de Deus, Membru APFTL periodu dahuluk no periodu daruak, membru Parlamentu Foinsa’e Nian (PFN) no observadores nasionais no internasionais inklui media sira.

Rezultadu husi Assembleia ne’e mak rezulta planu asaun annual 2018. Bele haree informasaun detallus liga ho PAA 2018 iha website ne’e iha rúbrika programa. #[Maria do Ceu/APFTL/28.04.2018].