APFTL SEJD HALO LANSAMENTU BA REZULTADU SURVEY PREFERENSIA JUVENTUDE

DILI, 11/01/2021

Alumni Parlamentu Foinsa’e Timor Leste (APFTL) ho Sekretária Estadu Juventude no Desportu (SEJD) halo Lansamentu ba Relatóriu Survey Preferénsia Juventude.

Objetivu hosi Survey mak  oferese mai ita sá maka joven sira nia hakarak  ka interese  iha setór  sira hanesan ‘’Edukasaun, Empregu no Partisipasaun Sivika’’.  Hanesan ita hatene mezmu iha ona politika dezenvolvimentu  Juventude, maibé  ita mós mukit hela ba evidénsia  ka dadus kona- ba joven sira-nia  hakarak ka interense ne’ebé maka iha. Lia Hirak ne’e hato’o hosi Presidenti APFTL Zaulino Gomes da Silva.

Nia Akresenta katak, dadus hirak ne’e hodi tulun Governu ,Ajensia Nasionál, Internasionál no Organizasaun Juventude sira oinsá bele Dezeña  sira-nia programa ka atividade  tuir evidénsia ne’ebé iha ba joven sira-nia interese no Bem-star.

Sekretáriu Estadu Juventude no Desportu Abrão Nokosiko Saldanha hateten, ita-boot sira hatene katak governu Timor-Leste iha polítika  liliu SEJD, tau Joven  sai hanesan ajente ka rekursu Estadu nian ba transformadór  mundansa ba ita-nia nasaun. Relatoriu ne’e rekoñese importante tebes ba governu  partikularmente ba  SEJD,  maibé jeralmente ba  Governu  atu muda  di’ak liután sira-nia polítika ho di’ak iha futuru atu bele responde ba joven sira-nia preokupasaun.

Lansamentu ne’e hetan Partisipasaun másimu hosi  Governu, Ajensia Nasionál, Internasionál  no Organizasaun Juventude no akadémiku  sira , hetan apoiu  hosi SEJD no APFTL  maka sai Implementadór ba  Survey refere.

Hakerek Komentariu Iha Account Facebook

0 Komentariu

HAKEREK KOMENTARIU

Fatin Email