Alumni Parlamentu Foinsa'e Timor-Leste realiza formasaun Edukasaun Sivika ba Foinsa'e nain-16, objetivu husi formasaun ne'e hodi promove hahalok siviku no saudavel foinsa'e sira nian.

Partisipante ba formasaun ne'e limitada tuir kapasidade Sala formasaun nian hodi kumpri nafatin regra distansiamentu sosial. Alende ne'e, Partisipante sira iha obrigasaun uza maskara no fase liman antes tama ba sala formasaun.

Fasilitador Formasaun ne'e, Joni Alves, hanesan mos Xefi Divizaun Formasaun APFTL, hateten, foinsa'e sira hatene Edukasaun Sivika iha eskola,"Maibe iha formasaun ne'e atu hatene kona-ba pratika Edukasaun Sivika ne'e rasik".

Formasaun Edukasaun Sivika tama iha Planu Asaun Anual 2020 APFTL, tan ne'e Estrutura Exekutivu APFTL nafatin esforsu hodi realiza Formasaun ne'e ba foinsa'e sira. Formasaun ne'e hahu iha dia 8 Junu 2020 no remata iha 13 Junu 2020.