APFTL Realiza Formasaun Edukasaun Sivika

Alumni Parlamentu Foinsa’e Timor Leste (APFTL) realiza  formasaun Edukasau Sívika ba membru APFTL ho joven sira seluk hamutuk na’in-25 inklui mane na’in-9 no feto na’in-16. Formasaun ne’e hala’o durante loron tolu, hahu hosi loron-15 to’o 17 fulan-Jullu tinan-2022 iha Sede APFTL Bekora Dili.

Objetivu hosi formasaun ne’e mak  hasa’e membru APFTL no foin-sa’e sira seluk nia koñesimentu oinsá atu forma joven sira sai sidadaun síviku, justu no responsabilidade iha Sosiedade no nasaun.

Iha abertura formasau ne’e, Prezidenti APFTL Zaulino Gomes da Silva informa, “liuhosi formasaun Edukasaun Sivika bele hasa’e ita-boot  sira-nia koñesimentu, talvez ita rona liafuan Edukasaun  hosi ita-nia família desde ita moris mai, edukasaun ne’e la’o ona no edukasaun ne’e mais importante ba ita-nia an no mundu”.

Prezidenti ne’e realsa tan katak, formasaun sira hanesan ne’e, hola parte iha edukasaun informál sira buat balun ne’ebe la introdús iha eskola ita bele aprende no introdús iha formasaun sira hanesan ne’e no agradese ba Governu liuhosi SEJD, tanba bele apoiu joven sira-nia atividade. No enkoraja partisipante sira atu labele lakon esperansa hodi aprende  tanba ita joven maka rekursu ba rai ida-ne’e.

Iha fatin  hanesan reprezentante SEJD liuhosi Diresaun Asosiativizmu Juventude hateten;  Edukasaun Sívika bele muda ita-nia hahalok sai ema ne’ebé responsabilidade  ba oraganizasaun ne’ebé ita hola parte ba no ba ita-nia nasaun. Ba ita-boot sira ne’ebé maka hetan oportuniadade hodi tuir formasaun ne’e aproveita didi’ak  atu bele kapasita ita-boot sira-nia an liuhosi formasaun ne’e hodi bele hadi’a-an iha sosiedade maka imi moris ba.

Atividade formasaun ne’e,  fasilita hosi membru APFTL Cesar Ferreira Amaral no hetan apoiu hosi Sekretaria Estadu Juventude no Desportu (SEJD).

#JovenAtivuSaudavelProdutivuKompetetitivuOrgulluNuudarTimorOan