Alumni Parlamentu Foinsa’e Timor-Leste (APFTL) realiza Asembleia Reuniaun Jeral ba Dala-VI, iha Salaun Comissão Nacional Eleições (CNE) Kaicoli Dili.

Asembleia jeral ida-ne’e nu’udar reuniaun ne’ebé deskreve iha Estatutu APFTL,nune’e APFTL liu husi Orgaun Reuniaun Jerál konvoka hodi  halibur  membru APFTL tomak partisipa hodi halo Apresiasaun ba Relatóriu Annual 2021 no halo aprovasaun ba Planu Asaun Anual tinan 2022 [PAA-2022], planu ho relatoriu refere  aprezenta husi orgaun prezidensial. 

 Haktuir Prezidenti APFTL Zaulino Gomes da Silva relata katak, “Orgaun Prezidensial iha  dever no obrigasaun para kada tinan  apresenta relatoriu ba membru APFTL  tomak ho objetivu ida katak, nakloke ba membru hotu-hotu hodi hetene progresu no dezafiu organizasaun nian, em termus, finanseiru no atividade ne’ebe ezekuta ona durante tinan ida nia laran. Nune’e bele diskuti hamutuk hodi halo aprovasaun ba planu aksaun refere hodi bele ezekuta iha tinan ida-ne’e”.

Iha asembleia refere partisipa mos husi observador ne’ebé reprezenta hosi Unicef Sra. Andreza Guterres, akrsenta katak, ‘’apresia tebes ho dinámika diskusaun APFTL nian. No enkoraza nafatin APFTL hodi kontinua nafatin promove talentu/kapasidade ne’ebe maka iha. Husi realizasaun atividade ne’e hamosu konfiansa boot katak APFTL nia ezistensia nu’udar esperansa ba rai doben Timor-Leste’’.

Rezultadu husi Asembleia ne’e konsege halo aprovasaun ba planu Asaun annual tinan 2022 ho partisipasaun husi membru APFTL hamutuk  45.  No iha votasaun a favor 45 kontra zero [0] no abstain zero [0]

Reuniaun Asembleia Jeral ne’e Lidera hosi Orgaun Reuniaun Jeral partisipa maximu hosi Orgaun Fiskal,Orgaun Prezidensial,Membru APFTL no Observador hosi Unicef, Membru PFN, RHTO, CCYC no GFD.

#JovenAtivuSaudavelProdutivuKompetetivuOrgulluNuudarTimorOan