Dili,10/11/2021

Alumni Parlamentu Foinsa’e Timor-Leste (APFTL) Servisu Hamutuk ho Oxfam Timor-Leste hodi Implementa expozisaun Produtiva no Dialogu Aberta entre Grupu Produtivu ho Ministeriu relevante sira , hodi diskuti kona-ba Planu no Politika Ministeriu nian ba Tinan 2022 hodi Investe iha Seitor Produtivu Hodi Diversifika Ekonomia.

APFTL apoiu husi OXFAM Organiza Eventu sira hanesan ne’e, atu hatudu ba ukun nain/governante sira atu hare seitor Produtivu nu’udar seitor ida ne’ebe importante, oinsa ita investe hodi Kontribui ba ekonomia rai laran. ita labele depende maka’as ba ita nia fundu Petroliferu, fiar ka lae! tempu ruma nia sei hotu, tamba ne’e ita hahu hateke ona seitor Agrikultura, Turizmu, Komersiu Industria sira, oinsa sira hola parte iha Grupu Produtivu sira, APFTL hanesan Organizasaun Juveni ida, hola inisiativa, kreatividade sira, oinsa Politiku nain sira atu hateke hetan ida ne’e nu’udar seitor importante atu halo investimento Joven maka nu’udar Kontinuador ba rai ida ne’e, tanba ne’e investimentu ba Joven sira tenki seriu’’Dehan Prezidenti APFTL iha Expozisaun Produtiva iha SEJD.

Iha Fatin Hanesan Country Director Oxfam iha Timor-Leste Fausto Belo Ximenes hateten, OXFAM Servisu hamutuk ho APFTL hodi kria Plataforma ida ba joven sira atu bele hato’o sira nia produtu, atividade no inovasaun sira atu amostra iha plataforma ne’e, katak Joven sira nia Partisipasaun iha desenvolvimentu Importante, ida ne’e maka Oxfam nia Papel iha Timor-Leste atu apoiu inisiativa joven sira nian, OXFAM Kontenti hare joven sira nia produtividade liu husi Expozisaun sira hanesan ne’e, Oxfam nafatin Esforsu atu liga ita boot sira ho ukun nain sira, relasiona ho kretividade, inovativu ba hirak ne’ebe ita boot sira konsege kria ona nafatin iha espasu atu Dialogu ho ukun nain sira.

Iha Sorin seluk, Reprezentante Grupu Produtivu husi Tilofe Zaquiel Martins do Carmo hato’o, Agaradese ba APFTL, tamba Konsege Promove Deklarasaun Gleno no lori ami nia esforsu, ohin ami konsege iha merkadu no ami asina akordu ho Diresaun Nasional Floresta, adubus hirak ne’e ba faan iha Postu Administrativu 48 .

Grupu Produtivu sira ne’ebe maka Hola Parte iha Expozisaun Refere maka hanesan: Grupu Haburas Maubisse, Grupu Haburas Fohoailico, Daily Fresh Amores, Akuakultura, Tilofe no Grupu sira seluk.

Expozisaun ne’e realiza tamba Apoiu Husi OXFAM Timor-Leste no APFTL servisu hamutuk ho TVet Hodi halo Live Sreaming ba Atividade Expozisaun Produtiva ne’e.