APFTL hetan workshop husi OXFAM ba rezultadu peskiza Joven Agrikultura no Diversifikasaun Ekonomia

Deklarasaun Foto : husi Media APFTL


OXFAM iha Timor-Leste halo peskiza diversifikasaun agrikultura no ekonomia hodi hatene involvimentu Joven no komunidade inkluzivu, inklui situasaun iha kada Munisipiu hodi identifika asuntu save sira no analiza tematiku ambiente favoravel. Iha worshop ne’e mos SEFOPE aprezenta relatoriu levantamentu forsa traballu.

Prezidente Exekutivu APFTL, Zaulino Gomes da Silva, nia dehan Agradese tebes ba Oxfam tan bele servisu hamutuk ho APFTL iha area ida ne’e, iha tinan ne’e mos APFTL iha planu apoiu inisiativa ba membru APFTL, no espera husi workshop ne’e bele fo idea ba membru sira.

Senior Program Officer Oxfam Timor-Leste, Fernando da Costa, esplika “Agrikultura Timor-Leste nafatin seidauk dezenvolve ho diak, Agrikultor sira barak mak kuda so para han deit no iha liu mak fa’an”. Senior Program Officer ne’e hatutan Oxfam hanoin para diversivika agrikultura no ekonomia iha Timor-Leste dalan ida maka servisu hamutuk ho grupu alvo sira hanesan APFTL.

Iha rezultadu peskiza Oxfam nian mos hatudu preokupasaun diferensa kona-ba merkadu agrikultura, iha Vikeke susar tebes buka material agrikultura no asesu ba merkadu susar tebes tan kondisaun estrada la favorese, iha Ermera fasil transporta produtu ba Merkadu tan estrada diak ona, no Oecusse sei duvida ba Merkadu no laiha kondisaun favoravel.

Fernando da Costa mos hateten, laiha komunidade LBTI mak involve ba agrikultura, komunidade ho defisiensia sira mos ladun ativa tan konsidera laiha kapasidade husi komunidade seluk, no produsaun agrikultura maioria mai husi Feto maibe sira laiha poder desizaun ba rai no produtu sira.

Iha aprezentasaun SEFOPE kona ba forsa traballu iha Timor-Leste, ema ne’ebe buka servisu iha 2019 hamutuk rihun 18 maka registu iha SEFOPE, a’as liu fali oferta traballu husi iha rai-laran no mos rai-liur ne’ebe SEFOPE fasilita.

Kona-ba Balansu komersiu, Produtu agrikola Sereal (barak liu fo’os) iha topu datoluk sasan inportadu ho total Dollar Amerika Millaun 33. Merkadu traballu mos barak liu sei buka tekniku sira iha area finansa, no area agrikultura sei oituan liu.

Presidente Loja Agrikultura iha Timor-Leste, Sr. Nilton Aniceto, hateten, “Partisipasaun Joven nian la maksimu iha agrikultura no hanoin agrikultura ne’e foer, buka deit servisu iha AC, meza diak, Komputador, nst"

Sr. Nilton Aniceto mos hateten, joven sira ho idade produtivu seidauk hatene agrikultura iha oportunidade bo’ot tebes tan ne’e laiha inisiativa, no nia mos husu para uza informasaun husi OXFAM no SEFOPE nian sai fali oportunidade servisu, pelo menus joven sai hanesan distributor hodi transporta modo husi Foho tun mai merkadu iha Dili, ka joven sai agrikultor ne’ebe hatene aproveita teknologia para bele produz barak liu tan produtu agrikultura.

Hafoin Workshop ne’e iha Sesaun Fokus Diskusaun Grupu hodi diskute kestaun ha’at husi aprezentasaun nian, no fatin realizasaun iha Salaun FONGTIL Caicoli, 28 Fevereiru 2020, partisipa husi membru APFTL husi Munisipiu 12 inklui RAEOA, no komunidade ho defisiensia.

Hakerek Komentariu Iha Account Facebook

0 Komentariu

HAKEREK KOMENTARIU

Fatin Email

Prezidente Exekutivu APFTL

Prezidente Exekutivu APFTL
Zaulino Gomes da Silva

DATABASE APFTL

DATA BASE APFTL

Opiniaun Publiku

Tuir Ita Boot Sira Nia Hanoin Idade Joven Tama Iha Kategoria Hira .........???
  Idade Husi 18-20
  Idade Husi 10-20
   Idade Husi 00-19
   Idade Husi 0-18