APFTL hetan apoiu husi GIZ no koopera ho sentru juventude Munisipiu Vikeke hodi realiza atividade forum foinsa’e ba mudansa [youth for change].

Atividade ne’e realiza iha salaun sentru juventude Munisipiu Viqueque, iha dia 29 fulan Jullu tinan-2022. Partisipante ne’ebé atende atividade ne’e mai husi reprezentante juventude postu Administrativu Viqueque vila, Uatucarbau, Lakluta no Ossu, total partisipante hamutuk nain-32 kompostu feto nain-15 no mane-17.

 Objetivu hosi atuvudade ne’e maka juventude feto no mane iha koñesimentu natoon kona-ba polítika desentralizasaun, no kris espasu ba joven sira hodi diskuti noprodus deklarasaun ruma relasiona ho oportunidade no dezafiu ne’ebe sei enfrenta iha realizasaun polítika refere.

Iha sesaun abertura marka prezensa husi Administratdor Munsipiu, Diretor SEPFOPE munisipiu, jestor sentru no reprezentante knua haberan komunitária [KHC].  Iha sira  nia intrevensaun maka fo biban hodi halo abertura ba atividade ne’e; Jestor sentru relata katak, sentru nafatin kria kondisaun no atividade hodi apoiu programa Governu nian nune’e bele konkista susesu.

Diretor SEFPOPE Munisipiu Viqueque hato’o mós katak, espera katak atividade ne’e nu’udar baze ida ka survey ruma hodi halibur ideia no informasaun sira, nune’e nia finalidade bele produs dokumentu ne’ebé nia esensia bele influensia Esatdu hodi foti desizaun ka bele konsidera iha planu ne’ebé governu trasa kada tinan.

Administrador Munsipiu koa’lia mós katak joven tenki aprende hodi hatene kona-ba konseitu sira mak estadu hatúr hodi dezenvolve rai ne’e liu-liu konseitu sira mak kontenpla iha polítika desentralizasaun nian. Lider Munisipiu ne’e Akrsenta mós katak APFTL nu’udar lian ba foinsa’e sira nune’e iha papel importante hodi ko’alia no reprezenta joven sira para bele hadalan joven sira nia aspirasaun ba to’o iha parte relevante.

#JovenAtivuSaudavelProdutivuKompetitivuOrgulluNuudarTimorOan