Foinsa'e nain-15 simu sertifikadu husi Alumni Parlamentu Foinsa'e Timor-Leste, hafoin partisipa kompletu formasaun Edukasaun Sivika durante loron 5.

Prezidenti Exekutivu APFTL, Zaulino Gomes da Silva, agradese ba partisipante sira nia komitmentu hodi partisipa formasaun ne'e to remata. "Sertifikadu ne'e hanesan apresiasaun ida ba partisipante sira tan partisipa kompleta formasaun ne'e".

Direitor Nasional Assosiativismu Juventude SEJD, Sr. Marcos da Costa, orgullu ho APFTL tan iha inisiativa hodi realiza Formasaun Edukasaun Sivika ba Foinsa'e sira, maske iha hela periodu COVID-19, hodi tulun foinsa'e sira seluk hatene kona-ba moris siviku no mos hasae sira nia konesimentu iha area soft skills. Direitor Marcos mos hateten "Sertifikadu formasaun ne'e la vale buat ida karik ita la tau mos iha pratika".

Formasaun Edukasaun Sivika ne'e rasik realiza iha Salaun Sede APFTL Becora, durante loron lima, hahu dia 8 Junu no remata iha 13 Junu 2020, no atividade distribuisaun Sertifikadu ne'e akontese iha dia 16 Junu 2020.