Alumni Parlamentu Foinsa’e Timor-Leste(APFTL)  servisu  hamutuk  ho  OXFAM  liuhosi projetu hadalan-II,Apresenta  Plataforma Online ho naran Hadalan.tl ba grupu produtivu  sira. Ho objetivu  ida  hodi kria espasu no promove grupu produtivu sira liuhosi Dezenvolve Plataforma Online ba sira.Atividade aprezentasaun Plataforma ne’e  realiza iha Timor Plaza,iha  salaun  Maubara Room, loron tersa- feira, 22/02/2022.

Prezidenti  APFTL Zaulino  Gomes da Silva relata,  intesaun hosi plataforma online ne’e hanesan meius ida ba grupu produtivu sira, hodi halo advokasia,ohin aprezenta ba sira oinsá utilizasaun plataforma ne’e,hodi halo kampaña ba produtivu ne’ebe maka sira iha no liuhosi plataforma ne’e ema bele hatene sira no vizita sira-nia fatin.Nafatin enkoraza grupu produtivu sira atu uza plataforma ne’e hodi publika ita-boot sira-nia atividade loroloron.

Reprezentante OXFAM Adilson Junior da Costa afirma “Liuhosi utilizasaun plataforma ne’e sai hanesan meius ida hodi kontinua promove grupu produtivu sira-nia produtu no bele hatudu sira-nia kreatividade liuhosi plataforma ne’e,nune’e Ministériu relevante sira bele hatene ezisténsia  grupu produtivu sira-nian no saida maka ita halo ona iha baze hodi kontribui ba ekonomia ne’ebé deversifikada no sustentavel iha rai laran”.

Januario Gonsalves nu’udar grupu produtivu husi EAMO, agradese ba APFTL ho OXFAM,ne’ebe servisu maka’as hodi bele halibur grupu produtivu sira,hakarak espresa ami-nia sentimentu orgullu tanba, durante ne’e ami halo produsaun liuhosi asaun  iha baze,maibé ami lahatene oinsá bele utiliza teknolojia hodi promove ami-nia produtu  liuhosi online, plataforma ne’e kria espasu di’ak tebes mai ami no hafasil liután atu promove ami-nia produtivu.

Plataforma ne’e aprezenta hosi Armindo da Costa nu’udar dezenvolve plataforma Hadalan.tl no partisipa hosi grupu produtivu sira hosi Munisípiu: Baucau, Dili, Ermera,Aileu no Ainaro, OXFAM no GFD.