Alumni Parlamentu Foinsa'e Timor-Leste realiza enkontru ho UNICEF Timor-Leste hodi ko'alia kona-ba kontinuasaun programa Peskiza Situation Analysis [SitAn] consultation iha area adolosente Timor-Leste. Objetivu husi Peskiza ne'e rasik maka buka hatene situasaun adolosente  ho idade entre 12 - 17 iha Timor-Leste.

Prezidente Exekutivu APFTL hateten, enkontru UNICEF-APFTL konvoka planu ida atu halo aprezentasaun rezultadu peskiza ba Munisipiu 12 no RAEOA. Iha Enkontru ne'ebe realiza iha Sede APFTL, iha dia 27 Janeiru 2020, mos ko'alia planu servisu hamutuk entre UNICEF-APFTL ba futuru.

APFTL hanesan implementador hamutuk ho organizasaun sira seluk [FAM, HIR, TL-YFP no Arte Moris] realiza ona iha dia 23 - 27 Setembru 2019 iha Munisipiu 12 inklui RAEOA, no Ekipa implementador aprezenta ona rezultadu peskiza ba UNICEF Timor-Leste hanesan programa nain, iha Hotel Novo Turismo, 2 Dezembru 2019.