Fotografia partisipante kursu siviku no saudavel, iha sesaun abertura 26/04/209.

Alumni Parlamentu Foinsa’e Timor-Leste (APFTL) Servisu hamutuk ho Sala Leitura Xanana Gusmão hodi loke kursu Siviku no Saudavel ba Foinsa’e, nu’udar programa ida ne’ebé atu muda foinsa’e sira nia hanoin no hahalok sai siviku no saudavel.

 

Iha sesaun abertura iha Sala Leitura Xanana Gusmão dia 26 Abril 2019, husi Parte Sala Leitura Xanana Gusmão Agradese ho servisu hamutuk entre APFTL no Sala Leitura, hodi mobiliza rekursu ne’ebé maka iha hodi loke kursu no fo kapasitasaun ba foinsa’e sira, no fiar katak ho metodu, teknika no aproximasaun husi fasilitador sira husi membru APFTL durante formasaun diak hodi nune’e partisipante sira bele aproveita ho diak.

 

Prezidente Exekutivu APFTL, Zaulino Gomes da Silva, hateten; Kursu ne’e gratuita ba partisipante sira, no dever husi partisipante sira maka tenke partisipa ho maksimu kursu ne’e to’o remata hodi nune’e partisipante sira bele hetan rezultadu ida diak husi kursu ne’e, no fasilitador sira husi membru APFTL sira hetan ona TOT ba materia hirak ne’ebé inklui iha kursu nia laran.

 

Sesaun abertura ne’e partisipa husi partisipante nain-25, feto nain-10 no mane nain-15, kursu ne’e foka liu ba area formasaun Life Skill Base Education, Edukasaun Sivika, Relasaun Saudavel, Lideransa Baziku no Gestaun Organizasaun. Kursu ne’e iha aula/sorumutu (pertemuan) dala 42, no akontese iha dala tolu iha kada semana, Tersa-feira, Sexta-feira no Sabadu, fatin iha Sala Leitura Xanana Gusmão - Lecidere.

Leave a comment

Filtered HTML

  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <blockquote> <code> <ul> <ol> <li> <dl> <dt> <dd>
  • Lines and paragraphs break automatically.

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.